Tu aestâ revistă ufilisimu varianya di alfabetù pripusâ la Simpozionlu trâ standardi-dzarea a scriariljei armâneascâ tsi s’tsânu Bituli-R. Machidunii tu 24-31-li di Avgustu 1997.

Iavea alfabetlu a nostu:

a, ã, â, b, c, d, dh, e, f, g, h, i, j, k, l, lj, m, n, nj, o, p, q, r, s, sh, t, th, ts, u, ù, v, w, x, y, z
Sonlu “ã” s’avdi ca românesculù “ă” . Ca urnechi: căpri,câpăchi.
Sonlu “â”. Elù s’avdi ca tu zboarâli: mânâ, lânâ, armânu.
Sonlu ”gamma” sâ scrii cu doauâ turlii di yramati: y shi g
a. Yrama “y”, s’ufiluiseashti ahâtù tu nyrâpsearea azboarâlorù xeani, iu ari tesea di semivocalâ, ca tu zboarâli: New-York, yoga, câtù shi tu locù di gamma, iu aritesea di conaoanâ, ca tu zboarâli: ayru, ayonjea.
b. Totna cându sonlu gamma s’aflâ nâintea a yramatilorù ”e” shi “i”, s’ufiliseashti litera ”y”, ca tu zboarâli: yeatru, yinarù.
Ufilisirea a vocalilorù shcurti ”u” shi “i” ditù sonea a zboarâlorù.
Aesti vocali shcurti “u” shi “i”, cari suntu simadhi, semnu icâ marcâ a limbâljei armâneascâ, s’ufilisescu ahâtù dupâ unâ consoanâ câtù shi dupâ grupuri di consoani. Canâoarâ nu formeadzâ unâ silabâ ahoryea.
Ndziminarea di yramati “lj”, s’avdi ca tu zboarâli ditù limba spaniolâ: llamar, lluvia, urnechi: ljepurù, pulji, elji.
Ndziminarea di yramati ”nj”, s’avdi ca tu zboarâli ditù limba italianâ: giugno, segno.
Yrama ”d” ari doauâ varianti di sciari: cându ari sonlu latinù, ca tu zboarâli doamnâ, dadâ, s’anyrâpseashti “d” ama tu ndoauâ zboarâ s’avdi shi ca sonlu gârtsescu”dhelta” shi atumsea sâ scrii “dh”, ca tu zboarâli dhoarâ, dhascala.
Ndziminarea di yramati ”dz” s’avdi ca tu zboarâli: budzâ, frândzâ.
Yrama ”g” cându s’aflâ nâintea a vocalilorù e shi i s’avdi ca tu zboarâli geami, gintâ. Cându easti tu ndziminari cu litera “h” shi s’aflâ dinaintea a yramatilorù”e” shi “i”, s’avdi ca tu zboarâli ghelâ, ghineatsâ.
Ndziminarea di yramati ”sh” s’avdi ca tu zboarâli shulinarù, shoaricù.
Ndziminarea di yramati “ts” s’avdi ca tu zboarâli tsapù, tserù.
Yrama “t” are sonlu latinù ”t”ca tu zboarâli tata, torù, ma ndoauâ zboarâ s’avdi shi ca sonlu gârtsescu “theta”, urnechi: thimeljù pirmith.

Revista Numarul 1